اصلاح ماكينة الاستوب ابيزا 2000-02 repair Sensor break pedal switches Ibiza
السلام عليكم
أصدقائى أعضاء قسم سيات نيل موتورز
أسعد الله أوقاتكم بكل الخير
ده تقرير إصلاح أحدى المشاكل المشهورة ( ماكينة الأستوب)
طبعا من عانى من المشكلة ديه عارف أن عطل ماكينة الاستوب تؤدى لإظهار عطل بالكنترول يونت ECU وإنارة لمبة أل Check Engine EPC
لما وجهتنى من فتره المشكلة كشفت بالكبل وتقالى مسجله عطل ماكينة استوب وكنييير قالى سبها لو مش مسببالك مشكله !!
طبعاً مسببالى مشكلة و المشكلة إلى مسببها أن لمبة الأعطال EPC منوره باستمرار فأى عطل فى أى حته ( اى حساس ) مش هيبان مبدأياً من خلال أضائة المبه فقلت لازم أصلحها وأفهم طبيعة عملها وارتبطها بالكنترول .
الأول لازم نعرف أن بدال الفرامل راكب عليه 2 حساس أو ماكينة للأستوب Two break pedal switches
عند عطل احدى مفاتيح بدال الفرامل والكشف بالكبل VagComعلى ECU الكنترول يونت هتظهر الرسالة التالية كما هو موضح بالصورة .
http://nileup.com/up/uploads/nilemotors_13983541981.jpg
لاحظ أن رقم أو كود العطل هو F اى الماكينة العلويه ولونها ازرق أما لو كان F47 فهو كود عطل الماكينه السفليه البيضاء اللون ( وده عشان محدش يفتيلك من الى بيكشف بالكمبيوتر بره)
ماكينة الاستوب السفلية البيضاء اللون مرتبطه مباشرة بالاضائه الخلفية ( نور الاستوب العلوى والسفلى على الجانبين )
اما ماكينة الأستوب العلويه الزرقاء اللون مرتبطه بالكنترول عشان تعرفه أن البدال يعمل وإضاءة الفرامل الخلفية تعمل دون عطل
صورة ماكينة الاستوب البيضاء والبارت نمبر بتعها
(Brake Pedal Switch Sensor Part 6K0 945 515 A (code F47
http://nileup.com/up/uploads/nilemotors_13983541982.jpg
صورة ماكينة الأستوب الزرقاء والبارت نمبر بتعها ( صاحبة المشكله معنا
(Brake Pedal Switch Sensor Part 1H0 907 343 ( code F
http://nileup.com/up/uploads/nilemotors_13983541983.jpg
طبعا بقول بيضاء وزرقاء لان فيه ماكينات اخرى بألوان مختلفه وده لسهولة التمييز بينهم فقط لاغير مثال ماكينة الجولف والاودى a4 و الباسات ولو كشفت كمبيوتر هتديك كود مختلف عن عندنا هو (B)
وديه صورتها
811 907 343 B Part
http://nileup.com/up/uploads/nilemotors_13983541984.jpg
الإصلاح:
هتفك كبلات البطارية أثناء العمل لسببين (لعدم حدوث ماس أثناء العمل وكمان بتعمل ريست للكمبيوتر )
نيجى لكيفية الإصلاح أولا لازم تعرف أن الماكينتان راكبين على بدال واحد فلازم يشتغلوا فى وقت واحد مع بعض والعطل بيبقى أن فيه واحده منهم مش شغالة فهنفك الاثنين أو لو عاوز وحده فقط الى ظهرتلك عند الكشف بالكمبيوتر مافيش مشكله بس انا هفك الاثنين وأنتضفهم وأعيد على تركبتهم واتاكد من عملهم عشان لو حد عنده مشكله فى احداهم يبقى عرفهم .
عملية الفك
تنزل عند بدال الفرامل هتشوف الماكينتان تخلع الفيش بتعهم وتبدأ تفكهم الماكينه البيضاء تلفها لفه عكس عقارب الساعة لفه وحده فقط وبعدين للخارج هتطلع معاك
الماكينه الزرقاء تبدأ فى لفها عكس عقارب الساعة ( لانها قلوز) لحد ماتطلعها بره
تبداء فى عملية فكها بحرص عشان البلاستك مايكسرش وكما السسته ماتنطرش منك وضيع ونضفها ولو فيها معادن بسنفره نعمه وتسنفره وتعيد تركبهم تانى الموضوع سهل مش صعب .
عملية أعادة التركيب
العطل بيبقى فى الماكينه الزرقاه غالباً بيكون بسبب المشرشر أن متأكل ومش رابط كويس فى البدال فحاول تثبته كويس فى البدال ده مهم جداً
أثناء التركيب تفضل تلف فى الماكينة الزرقاء لحد ماتخبط فى البدال يبقى كده انتا ركبتها صح وكذلك الماكينه البيضاء تضغط عليها لحد ماتخبط فى البدال وبعدين لفه وحده فقط مع عقارب الساعه يبقى ركبت صح .
وبعدين تركب السوكتات فيهم وتعيد تركيب كبلات البطارية وحط المفتاح فى الكونتكت ودور مبرووك أختفت لمبة الأعطال EPC
ديه شوية صور ليا أثناء الفك والتنظيف .
http://nileup.com/up/watermark.php?s...899551.jpg&p=c
http://nileup.com/up/watermark.php?s...899552.jpg&p=c
http://nileup.com/up/watermark.php?s...899553.jpg&p=c
http://nileup.com/up/watermark.php?s...899554.jpg&p=c
http://nileup.com/up/uploads/nilemotors_13983559825.jpg
http://nileup.com/up/watermark.php?s...899555.jpg&p=c
http://nileup.com/up/watermark.php?s...899556.jpg&p=c
http://nileup.com/up/watermark.php?s...899557.jpg&p=c
ديه الماكينه التانيه الزرقاء نفس فك الاولى ونفس الشغل
http://nileup.com/up/uploads/nilemotors_13983566941.jpg
http://nileup.com/up/uploads/nilemotors_13983566942.png
والسر وراء وجود ماكينتين أن الماكينه الاولى البيضاء لو جسيتها وهيا ركبه هتلقيها سخنه خاصة عند منطقة توصل الرأس لاتصلها مباشرة بالنور الخلفى فلو خلو مكنه واحده بس هتوصل السخونيه عبر الأسلك للكمبيوتر وهيكون العطل اكبر فاللحفظ على ecu خلوه يقرأ من ماكينه منفصله الى هيا الزرقاء على ان تعمل الأثنان سوياً
والى لقاء فى موضوع جديد
دمتم بخير